انا ياللي تعرفوني ترى قلبي اسير هموم
واعاني من جروح داخل الاعماق مخفيه
كثير الهم عذبني وقرب يومي المحتوم
احس من الالم كل الجوارح بي مطويه
واشبه حالتي مثل السجين اللي شكا مظلوم
تحت يدين ظالم قاسي مافيه ماويه
رماه الحظ الاقشر يعترف ويقول ذا مقسوم
انا مثله احس الكبد بالنيران مكويه
تجرعت الهموم وصرت انا من كثرها مسموم
رغم هذا ما شفت احد من العالم رفق بيه
ذبحني هم بقلبي سكن في داخلي مكتوم
حاولت اصبر على الاحزان واكتم كل مافيه
ولاكن الملامح بينت كلي الم وهموم
واعاني من جروح نارها في داخلي حيه
