يا الله ياللي ترزق الإنس والجان
من مبتدى الدنيا الى منتهاها
تحفظ ابلاد الفهد من كل خوان
وتعزها وتصونها وتحماها
وتحفظ لنا رمز المكارم والإحسان
اللي بسط كف العطا ما ثناها
سلطان أبو خالد على طول الازمان
ما فيه حاجة سايلاً ما قضاها
للخصم لطام وللعدل ميزان
ولا فيه قبة مرجلة ما بناها
غيث اليا مر المناطق والاوطان
يسقي البلاد اللي بعيد ثراها
ما فوق سطح اليابسة مثل سلطان
لو ان روحه في يمينه عطاها
يا سيدي يا معزبي يا كحيلان
يا نورها يا سورها يا ذراها
امدحك مدح له قواعد وسيسان
مدحة محب قالها واحتماها
وأزف لك من شعري اشكال وألوان
درة بحر ما كل من غاص جاها
عنوانها طاعة وشكرٍ وعرفان
ومضمونها خذ من ذممنا وفاها
وأعاهدك يا سيدي باسم قحطان
واعلن محبتها واجدد ولاها
حنا رجالك لاغشى الأرض بركان
لا ثارت الهيجا ودارت رحاها
ما نسمع الخاين ولو كان من كان
وأهل الخيانة يلعن الله ثواها
ومن باع نفسه في رضا الفهد ربحان
في جنة الفردوس يلقى جزاها
طاعة ولاة الأمر نورٍ وبرهان
وعصيانهم نارٍ شديدٍ لظاها
واختامها صلوا على سيد عدنان
والله يعز المملكة ويحماها
