خمسين عام ونجد في عيون سلمان
أميرها مجد الرياض وذراها
أبو فهد وجه السعد وين ما كان
مسكانها قلبه وعينه وراها
بكل عزم وحزم وإدراك وايمان
يرعى مصالحها ويرسى بناها
اخلص لخدمتها والأفعال برهان
وهي بادلته بحبها من وفاها
تافي لمن يافي على مر الازمان
وسلمان وافي بالسنين وقساها
خمسين عام إنجاز وأمجاد عمران
في نهضة صرح التطور حواها
لا هانت رياض العروبة ولا هان
شيخ الرياض اللي رفع مستواها
بالجود والأمجاد واعمال الإحسان
مواقفه ما خيبت من رجاها
النادر اللي وقفته شانها شان
فعايله بالخير ما حداً نساها
يشهد له التاريخ في كل الأحيان
راعي اليمين اللي وفت في عطاها
اسمه لنجد المجد والعز عنوان
وفعله يشرفها ومجده زهاها
تحيا ويسلم سيد الجود سلمان
عز الرياض ومن سكن في حماها
في ظل ليث المملكة سور الأوطان
بن الزعيم اللي بروحه فداها
دار الوفا دار الفهد طلق الإيمان
داراً يعيش بخيرها من نصاها
عسى السحاب اللي من الوسم هتّان
يسقي مرابعها ويحيي ثراها
