يازينها دنيا بها الحلم جالي
واستبشرت فيها الليالي والايام
وخيوط نور الشمس فيها تلالي
على مغيب اوهامها نور الاحلام
تحققت عندي على قدوم غالي
ومنها انجلت كل المآسي والاوهام
وتغيرت اطياف ذيك الليالي
غاب السواد اللي على بيض الاعوام
ولفتني ردون الغلا يوم بالي
ارتاح من ماضي مضى كله آلام
وامطر سحاب الحب شوق خيالي
مامرني ياهل الوفا من يجي عام
عوضني اللي في حياتي ما مضالي
والحب له كله على صدري وسام
