يا للي نقشت الحب في قلب مغليك
دامك نقشته ليش تنكر غلاتي
عهد علي أني على النفس أبديك
ما انساك دامي عايش في حياتي
آمر وأنا لو تطلب عيوني أعطيك
عطني أمل بأيامك المقبلاتي
مدري علامي بالملا دوم أطريك
أطريك وأذكر فيك زين الصفاتي
يمكن غلا والا نتايج تجافيك
والا أدور فيك حلو أمنياتي
الوقت ضدي وأنت معلن تحديك
وحكم الهوى يمكن يضيع براتي
أبيك مثل أول وتترك تغليك
كأنك تقدر غربتي مع غلاتي
