بنساك انا يا جارح القلب بنساك
وانسى حبيب كان بالأمس يغليك
برحل وجرح القلب ما ظن يخفاك
برحل عسى الايام فيني توريك
كلي اسف من ماضيٍ كنت وياك
خسارة اني كنت في يوم هاويك
يا ليت ما اعرفك ولا اعرف دنياك
كنت اجهلك واليوم بانت معانيك
بالأمس ضاع العمر كله برجواك
وخيّبت ظني اليوم خاب الرجا فيك
كللك خطا من راسك لحد ما طاك
جنب طريقي دام هذي مباديك
فديتك بعمري وكنت اطلب رضاك
وروس النوازي اليوم يا شين ترضيك
اهديتلك قلبي على كف يمناك
وجازيتني بالظلم الله يجازيك
سلمتني للجرح تتبسم شفاك
ليه بعتني وانا الذي كنت شاريك
بنساك انا يا جارح القلب بنساك
وتعرف بعدي اشلون تصفق اياديك
لا والذي سواك في يوم بلقاك
في سكة التواه حزنك يغطيك
مات الوصال وعلَّها تروح ذكراك
ذكرى حزينة عشتها وسط اراضيك
كلام صادق ياصلك ويتعداك
ما بيك انا يا خاين الود ما بيك
