يا هاجسي كل ما فالصدر كنيته
وده لخلي وقل له ما بقى حيله
درب الخطا والمضره ما تماديته
صابر ولا عاد تاصلني مراسيله
لعيونه أسهر ودمع العين هليته
وأقزر الوقت بين اليوم والليله
ولعيونه الشعر نظمته وغنيته
أسري مع الشعر في نسجه وتحليله
ولعيونه الفكر مهما زاد تشتيته
موسوعة الكتب فالتاريخ تروي له
ولعيونه الهم خاواني وخاويته
ولعيونه الهرج لاداعي لتطويله
أما تذكر حبيبك يوم حبيته
والا ترى ما بقالي يالغضي حيله
