علّمت نفسي قبل تشره على الناس
يا كثر من فيهم تخيب الهقاوي
الشعره إللي ما تعلت على ساس
لقيت نفسي في مداها خلاوي
والصاحب إللي مارفع فعله الراس
ما يستحق إنه لمثلي يخاوي
ترى الصداقه بعض الأحيان تنداس
لا شفتها جرت عليك البلاوي
ربع المصالح والندامه والأفلاس
يا كثرهم وقت الرخا والفضاوي
لا قربهم ينفع.. ولا فيه نوماس
ولا همهم.. غير الورق والقهاوي
وإللي يقولون البدو عنه قرناس
لولا فعوله ما يسمى نداوي
سود الليالي.. عودني على الياس
خلّني أقضي عيشتي بالمناوي
همّي بقلبي ماله حدود وقياس
وجرحي عطيب ولا لقاله مداوي
لاني قدرت أخفيه عن بعض الأجناس
ولاني على نشر الخفي منه قاوي
