الوطن دونه رجالٍ محتمينه
دونه آل سعود حامين الحمايا
بالجسد والروح شبره مفتدينه
جا لهم بالسيف ماجا بالعطايا
دونه جنود الفهد تحمي عرينه
باذلين أرواحهم لجله هدايا
يا ردي الحظ وين انته ووينه
لا تفجر فيه يا شين النوايا
راعي الارهاب مخطي شرع دينه
من شعر راسه لرجلينه خطايا
يوم راع الناس بأفعالٍ مشينه
ويش قصده من ورى قتل الضحايا
ان صدق يروح للقدس الرهينه
ينقذ المسجد ويرتد السبايا
ما حدٍ يرضى بالافعال المهينه
في بلادٍ خصها رب البرايا
من كمن للدين ياقع في كمينه
من يخون العهد يبشر بالمنايا
قالها نايف عسى ربي يعينه
الحوار السيف مع شين السوايا
زمرة الارهاب ما تبطي دفينه
كان ربي رادها تصبح جثايا
الوطن آمن وثغراته حصينه
كلنا له جند ما فيها حكايا
