الرجل من عقب الكوايا عثيره
عقب الكوايا ردها الله بعاثور
رجل تدرى دون بيت القصيره
لو غاب واليها ترى الشوف مقصور
تروح منا مادرت بالسريره
تمسي على نور وتصبح على نور
للجار نظهر مالنا والذخيره
وان جا نهار الضيق ما عنه مذخور
باغي إلى منه تقافا نشيره
وتلافتت زوامله عقب مظهور
لا دمعته تسبق لحنة بعيره
يذكر قصيرة حين ما راح مسرور
يا حمود وان جاك النضا عقب سيره
شف السفايف سابحات الى الزور
هجن تقافا والرقع مستديره
مبيد خفوفهن كل منعور
قام الردي ولاذ باقصى حجيره
يشبه لحزب شايف حوم وصقور
ابهش بهم والمال ما اغنى كثيره
يزيد حالي ما يجي فيه صادور
راع الطلي يا حمود لا تستشيره
عليك باللي حايل كنها الثور
يصبح على قدحانها تقل شيره
يشبع بها الجيعان ومدور السور
ولا ثوروا بارقابها كالعطيره
محنيات والعلامه لهن نور
هرجتك عند مواصلين العشيره
ما تنسي بافواههم دايم الدور
