همي وهم ما هو أهم ابغى الأهم من الهموم
والممتنع ما هو سهل لا صار سهل الممتنع
انا وهالدنيا على متني تجي تجلس واقوم
عيت لا تقلع بي وانا عييت منها لا اقتنع
اشوف في دربي رماح خلج وسيوف وسهوم
صار السنع عندي خطا يووم الخطا عنده سنع
والله لا معطى ملي كفي ولاني بمحروم
صنعت معروفي بناس اتقول هذا وش صنع
أسلوم ضاعت في زمن مدري زمن ضاع بسلوم
يامصطنع طبعك ترى لي طبع ما هو مصطنع
طبيعي مثل حررقا رقا رقا رقا يحوم
طبعي كذا ماني دنوع شاف غيره لك دنع
أقروم حطوها رخوم.. رخوم حطوها قروم
يعني مثل شخص تشيله فوق راسك وانخنع
يا هيه..؟ انا مالي ثمن تسوم والا ما تسوم
ياهيه يالله روح روح بعيد عني وامتنع
تدوم من غيرك..! وتدري؟ يا عساها ما تدوم
ريح اركابك واسترح ما احد على عزي فنع
عرفت ليه اعلمك يا صاحبي باليوم يوم
الممتنع ما هو سهل لا صار سهل الممتنع
