يا دارنا ما عاد لي فيك مقعاد
من فارقتك أمي أنا ويش لي فيك
يوم إنهابك كنت أنا أدخلك معتاد
واليوم راحت من على شانه أجيك
ومن روحت حل الحزن بك ولاعاد
طيرالسعد يادار وقّع بأراضيك
وحالك تحول عقب الأفراح لحداد
حزنٍ علىالي كونها بك يسليك
وانصك بابك وأنقطع عنك الأجواد
اللي من أول لجلها دوم تلفيك
يلفونك ولا قصدهم شربٍ أو زاد
ما غير مقصدهم ترى طيب راعيك
اللي بطيبتها علت روس الأشهاد
عنها أسألي سكان دورٍ حواليك
اللي غلاها عندهم دوم يزداد
جيرانها تخبرك عنها وتنبيك
غصب القلوب لحبها دوم تنقاد
وخوذي خبر مني مؤكد يكفّيك
الكل حبوها قريبين وبعاد
أحسن عزاي الله بها ثم أعزيك
وخلاص أنا ما عاد لي فيك مقعاد
يا دار عقب أمي أنا ويش ابي فيك
