أول صحيفة سعودية تصدرعلى شبكة الانترنت
محاورة الاسبوع محاورة الاسبوع
محاورة بين الشاعرين الكبيرين احمد الناصر الشايع ومطلق بن حميد الثبيتي رحمه الله جرت في احتفالات المغترة التي يقيمها صاحب السمو الملكي الامير فيصل بن خالد بن عبد العزيز قبل اكثر من عشر سنوات: * أحمد: عيني تحب اصحابها والله يلوم اللي يلوم بجماد والا في رجب عيني تحب اصحابها ياللي تحل انشابها عطنا الخبر واخذ العلوم وانت الزعيم المنتخب ياللي تحل انشابها * مطلق: لا يختلف مضرابها بين الشلاوى والبقوم حتى نلبسها ذهب لا يختلف مضرابها اليا حسبت احسابها حضك ليا شاء الله يقوم لابد نوفي بالطلب اليا حسبت احسابها * أحمد: الخيل وش ركابها كان اقبلت قوم لقوم والطير يدعى فالسبب والخيل وش ركابها اهل البلد واجنابها ياللي تعرفون السلوم احد صدق واحد كذب يا هل البلد واجنابها * مطلق: ياللي تهز انصابها عينك لك الله ما تنوم النار شبت فالحطب ياللي تهز انصابها ظلما ولا يسرى بها غابت بها كل النجوم ياللي مسري لك عرب ظلما ولا يسرى بها * أحمد: بعض الدير واشعابها يمطر سماها كل يوم ولا بها غير الخشب بعض الدير واشعابها ضاعت وربي جابها بين المخابي والكموم واقول لله العجب ضاعت وربي جابها * مطلق: يا نعمة فلابها طير مع الغبشة يحوم يحبي على روس الركب يانعمة فلابها ضدتك ما نرضابها في برد ولا في سموم والاكل مخلوط بشب ضدتك ما نرضابها * أحمد: انته تراك اسبابها لعل ستر الله يدوم واللحم اخير من العصب وانته تراك اسبابها راع العصى عيابها يفطر على العز ويصوم جنب مطوعة الصعب راع العصى عيابها * مطلق: حيه تحد انيابها والها جهد والها عزوم مار انتبه يابو لهب حيه تحد انيابها بعد فتحت لي بابها ماني مقصر فاللزوم واضحك واغني من طرب بعد فتحت لي بابها * أحمد: يا سترها واحجابها بايام هازم ومهزوم لا تلحق الجاهل عتب يا سترها واحجابها شفت الحى واشنبابها على النشاما والرخوم ما عيشه الا في تعب شفت الحى واشنابها
[للاتصال بنا][الإعلانات][الاشتراكات][الأرشيف][الجزيرة] توجه جميع المراسلات التحريرية والصحفية الىchief@al-jazirah.com عناية رئيس التحرير توجه جميع المراسلات الفنية الىadmin@al-jazirah.com عناية مدير وحدة الانترنتCopyright, 1997 - 2002 Al-Jazirah Corporation. All rights reserved
