أكرم إكرمت الله يوسع لك الرز
وما ليبكم كون انكم ملتهيني
فإن كان راعي البيت طرب ولي فز
والا فلا نيب اجهد المستحيني
فاحبها لا وافقت لي على عز
ومالي بها واللي بها ما يبيني
فالله يعين اللي لها قام وارتز
والله لطلاب المراجل عويني
فالكنز ماهوب الذهب ياهل الكنز
والكنز كنز المرجله يا فطيني
والكنز ماهوب الذهب ياهل الكنز
والكنز والله عشرة الغانميني
يرخص لها الماجود من غالي العز
ولا غاب حاضرها خذها بديني
فإن كان ودك في علا الجود تعتز
وتحسب الى من عد والطيبيني
فاصبر على حبل المراجل الى حز
والله عوينك يا كريم اليميني
أما الرد خيط من الصوف ما نرز
يا بعد فرق الفرق بين الثنيني
فن ما تجي في حلها مالها مز
واقطعك طيب ما أرفع الحاجبيني
فالكنز كنز المرجله ياهل الكنز
ماهوب جمع المال للوارثيني
