بالهون يامن يضم غصن انثنى بيده
لاتنسأ انه عود في لينته نادر
نجدي الحشا صافيٍ رمز الحلا جيده
رد النظر غيره.. يا قدرة القادر
فيه الندى ساكبٍ دمعه بتنهيده
ما يجرح اللي غلاه مع الوله صابر
دفا الورق يحكي فيه احلى مواعيده
يرعاه نجمٍ لمع.. جماله مخابر
وتعانقه غيمةٍ بالوصل واتزيده
وبطوله الفارع لا تظنه يكابر
وكل طيرٍ يمر يصدح بتغريده
حينه لمح ميلته يوم الهوى عابر
هذي كفوفك كتابٍ صعب تحديده
املاها بالشوق لا تقول الزمن غابر
لا تكسر القلب يا كل الغلا وسيده
أمانه.. روحك تكون لخاطره جابر
