هذا الوطن وش تريد الناس ترهب به
نايم على الأمن والتوحيد يقرا به
ماهو بلاد القبور وعابد القبه
اللي بقربه يحوم البين وغرابه
هذا بلاد الصلاه أي والله نحبه
نحيي بشمة هواه وذرة ترابه
غلاه فينا نشرق به.. نغرب به
من عذر والله قلوب الناس تشقى به
ماهم لو بعض (عذاله) تخرب به
يبقى كبير وعظيم بنظرة احبابه
ولياتعفر جبينه جاه من حبه
نمسح جبينه فداه الدمع واهدابه
سلامتك شف قلوب الناس منكبه
وشلون عقبك لذيذ العيش نرضى به
سلامتك لا جرحك اللي نسى ربه
تبقى عزيز وشموخك حيل ترقى به
أنت الكبير وروايح مجدك تهبه
على الكبود العطاشى لين تحيى به
بيدينك الصبح تمحى به وتكتب به
صحايف المجد وانت المجد تزهى به
والجاهل اللي ورا حقده طحن حبه
جاء يضرب الفجر في عينك ولاصابه
ندري بك انك كبير وتعبر الغبه
للشر ما تنحني لو يفقد اعصابه
والحق له سيف كان الشر له شبه
ما يركد الاورا تطويحة اجرابه
وهذا الوطن ما خلق لعبه ويلعب به
ولا كل من جاب براسه صوت غنَّى به
دونه رجال تعاف العمر وتذبه
من دون سوره له الارواح وهَّابه
ماهو (هِبَةْ) واحد فعله تطيب به
ما برده غير سيفٍ يصرخ ذبابه
يجس عرق المرض ياما لقى طبه
وفي (طاعة الله) نامر به وننهى به
