حفرت جحري بسلهةٍ ما بها ناس
نبي نتوسع ولا لنا بالسياسه
وحطيت بأفم الجحر أمنٍ وحراس
ولا فادني كثر الحذر والحراسه
عقاربٍ أذنابها مثل الاقواس
كل وحدة فيها من السم كاسه
لاشك بعض الناس ما عنده إحساس
أما جهل واللا عناد ونجاسه
بيته من الأنعام والخير محتاس
في صيدنا مارس صنوف الفراسه
ببندق وشكمان وشيول ومكناس
لا طالع العكره تزايد حماسه
أمشي وأنا مذبوح لو مامعي راس
منهو بكم يمشي الياقص راسه
المسعد اللي ساكن وسط تكساس
الديرة اللي ما بأهلها شراسه
