جالس أهل العرف والعقل والرأي الوجيه
لا تجالس ناس ما يندري عن غيبها
من يجالس راعي العرف ظني ما يتيه
كود رجل هقوة الطيب ما يجري بها
واحترم مجلس هل الجود سمحين الوجيه
الكرام اللي سما ذكرها من طيبها
وان بغيت تعدلك سالفة خلك نبيه
لا تجيب السالفة وأنت ما تدري بها
السوالف نقها عن مناقيد الفقيه
هاتها بأسلوب وأحرص على ترتيبها
أعرف المسموح به والخصوصي لا تجيه
انتبه للسالفة زين قبل اتجيبها
لا يمس فلان موضوعها اللي تحتويه
يغتنمها ناقل الهرج يغني بها
ثم تصبح شايعة سوء يرويها السفيه
كل ماجاء مجتمع هرجتك يحكى بها
عن خصوص الناس وعروضها خلك نزيه
كلمة ما تشرح البال وش تبغي بها
