يا صاحبي لياك تزعل وتشره
خسران من يربط مصيره بخاين
يا صاحبي والقلب مكوي بجمره
والجوف به حمى ونار وسخاين
والله ما ادري ويش يخفيه بكره
ما دام مديوني غدا بيوم داين
اللي يحب بجد وشلون يكره
يوفي ولو تكثر عليه الطعاين
يا صاحبي والحال ما فيه قدره
وشلون تكرم لجل عين مداين
ارحل بعون الله وحفظه وستره
وما فيه داعي للزعل والضغاين
سلام يا حب قضى وطاف عمره
وانا اشوفه بالنواظر واعاين
كم فاجع وهم تحملت صبره
واخفيه من شانك ولو كان باين
يا قلب ياللي ممتلي حيل حسره
كم عند ربي للفرج من خزاين
يا صاحبي والزين وش كان عذره
يومه خذاني والمشاعر رهاين
يا حافرٍ با الغدر للشوق قبره
ترى قديم الشوق للشوق صاين
طعنتك ما أدمت من الجرح قطره
ربي كريم وعالم بكل خاين
