يا ناس جاني الهم والقهر
يوم طال انتظاري للبطولات
ترى غلطان من يشجع (نصر)
ما يعرف إلا الهزايم بالسداسيات
خذنا هزيمة في رأس الشهر
هزيمة سببت لنا دوخة وونات
(نصرنا) صار موقعه خطر
صار للغير محطة واستراحات
هزايم كبيرة تقصم الظهر
وفضايح على الجرايد والمجلات
يا الربع الحقوا على ناديكم تراه يحتضر
صار اليوم في عداد الأموات
من يسوي خير ويشيله بين الحفر
ويرقيه على عالي المنصات
راح جيل له معزة وقدر
مهوب جيل الدراهم والريالات
يقلون (النصر بمن حضر)
هاذي اسطوانة من قديم الاسطوانات
يا جمهور النصر.. بلطوا البحر
ترى البطولات مهيب سوالف واتهامات
ترى والله ما لكم إلا الصبر
والله يصبركم على الجايات
اقبلوا كلامي برحابة صدر
واعذروني ترى كلي هموم وآهات
من ينقذ النصر وله الأجر
يجزيه رب الأرض والسموات
