لا تغلاّ وانت غالي لا تحسب إني نسيتك
انت شخصٍ ما نسيته دام في الروح حيه
انت ساكن وسط قلبي حيث قلبي صار بيتك
منزلك بين الحنايا يا بعد كل البريه
بالهوى قلبي يضمك وإن ضما فيك ارتويتك
والمسافة بيننا كلبوها جاذبيه
إن بغيت أبعد تجيني وإن بعدت أكيد جيتك
والوفي طبعه وفي كان ما خانه خويه
يا بعد كل الملا يا بعد روحي فديتك
فدوتك كل الخلايق وانت فدوة والديه
وسط بستان المحبة يوم دورتك لقيتك
تقطف أثمار المحبة مثل قطف النرجسيه
وانت تاخذ من حلالك وإن خذيتك ما عطيتك
ولجل عينك يا حبيبي وارد حياض المنيه
بس انا طالبك خلك وافي العشرة وليتك
تعرف اللي ما جرالي لجل ترفق بي شويه
وجيتك اليومه مداري حالتك حتى رفيتك
خوذ كل اللي تريده واحذف الباقي عليه
