وجه المنايا كاشر كنه الذيب
ادمى بنابه لين بيّن عظامي
خلى جروحي في ضميري معاطيب
واضحى على فكري خيال وعسامي
اقفى بعمي يم زين الاطاييب
اقفى بعمي يم دار السلامي
مات الكرم والمجد والجود والطيب
مات الوفاء والخير رأس السنامي
مات السخا والعز عطب المضاريب
مات النقاء والصدق زين الكلامي
مات الشموخ اللي شموخه تراحيب
هذاك (ابو خالد) عزيز المقامي
اول شبابه والنشاما معازيب
في بيته اللي للنشاما مقامي
مدهال (للتومان) والي اجانيب
(وسط الكويت) امروي كل ظامي
افنى حياته ذبح حرش العراقيب
(صحنه كبير) وماليه بالانعامي
افنى حياته للولي ابيض الجيب
ركعة وتسبيحة صلاة وصيامي
خلف صقور ترمي المجد وتصيب
ضرباتهم بالجود مثل الحسامي
(خالد ومشعل) تنتثر ريحة الطيب
(عيال عمي) مسندي والحزامي
عساه ينظر للولي عالم الغيب
وعسى البقا في رأس كل العمامي
