لا وهني اللي الى ضاق له يوم
اليوم الآخر خاطره ما يضيقي
ماهوب مثلي ضيقته دايم الدوم
ابي المليق شوي وازريت اليقي
على عشير كل حيه لنا قوم
وهو الذي من بدهم لي صديقي
حبه بنا بالقلب ضلعان ورجوم
يا ليت مظنوني عليهن يويقي
حتاه يدري اني بفرقاه مظلوم
غصب علي فراق ضافي الدليقي
ان كان هو مثلي فلا يلحقه لوم
عز الله انه لي صديق رفيقي
فان كان عقبي حط قالات وعلوم
وأنا نساني رايح في طريقي
الله يعرضه الردا ناقل الزوم
اللي على العربان سده خريقي
حتاه يدري انه بمسراه منجوم
إلى رماه الله بخطو الرفيقي
