جابوا لك الطاري قبل وقت مسراي
وفزيت واقف عندما هل طاريك
من غير ما اشعر منعمي فيني الراي
ودي ولا ودي يطول الحكي فيك
الله عليهم ذكروني ببلواي
وانا احسب اني ما اتذكر بلاويك
اثر الغلا باطراف عيني ودنياي
سحايب لك تحتري من يطريك
يوم أغرقتني غيرت عزم مسعاي
اسرع من بروق تلوح بلياليك
لديت للماضي امسح بيمناي
دمع تحدر في حضورك وماضيك
الله وكيلك والغلا في حناياي
وقل الغلا في الناس من كثر ما اغليك
دام المحبة من طرف واحد مناي
ابا اختصر كل المسافات واجيك
