النفس تطمع بالحبايب وترغب
وتقول بعّد عن طريقي وأنا أبيك
أعلن سلوك الخير في كل مرقب
وأكبح جماح النفس وأرد داعيك
يابنت عشر فوقهن تسع تحسب
مانيب ند لك ولا أقدر أخاويك
يازينة الزينات يا منوة القلب
مقدر على سلواك ومقدر أجاريك
صدق المشاعر تجمع الحس بالحب
روحك تسليني وروحي تسليك
صمتك وصوتك يجذبن للهوى جذب
عقلي وقلبي والضماير تحاكيك
عشقي لكم مكنون أهلا ومرحب
قلبي رهيف وأسحرنه دواعيك
أحبكم لو كنت عني تهرب
روحي تبي روحك وتبغى تغليك
