يا حبيبي عشت وإياك انتظار
ما بيدي شي.. وأشنك تعي
ليلي إللي كان بعيونك نهار
كنت فيه أطرح.. ومرات أجمعي
ما قويت إبه أتخذ أية قرار
ولا بقى لي غير تمسيح أدمعي
لو يطول الوقت ولو ضاق المدار
ما سوى صوتك يرن بمسمعي
وإن سمعت إني حبيبي باحتضار
اذكر ادمعي وونات أوجعي
غير بعدك ما بلاني بانهيار
ولا سوى شوقك فقدت إبه الوعي
تدري بحبك وقل لي باختصار
غير تعذيبي واش إللي تدعي
صار بيدينك حبيبي الاختيار
زود آهاتي..وحولها نعي
وإن تبي ترجع لقلبٍ صار دار
قلت (لك عمري) ورددها معي
