البارحة حسبت وحده وثنتين
كملتهن عشر وانا في مكاني
لي عادة ضاري لها القلب والعين
اسهر الى نامت عيون الهداني
افكر بدنيا بعض اهلها مصدين
افكر بها والعمر لابد فاني
ان كانها زانت فزين على زين
وانا بها ما اقول عالي وداني
يا الله يا قابل صلاة المصلين
انك تكافينا شرور الزماني
يا بدر ابا اوصيك عساك تشفيف
وصية لاهل القلوب الذهاني
ترى الصخى والبر من شارة الدين
وبشاشة في وجه من جاك عاني
اجهد لهم لاجوا على الهجن ناصين
قلط لهم يا بدر حيل وصياني
للمرتحل حق على اللي مقيمين
باكرامهم بالك تصير متواني
حتى الى ركبوا على الهجين مقفين
كل يقول معزبي مرحباني
ما قلت لك يا بدر شفناه بالعين
بالك تطاوع تاركين المعاني
اللي يحدونك عن الزين للشين
احد يقال بخيل وأحد جباني
ودي تتابع درب اهلنا القديمين
اهل المهار مذبحين السماني
