يالله يا قاضي عن المسلم الدين
يافارج الكربات جزل العطايا
يا واحد نزّل تبارك ويسين
على رسول من خيار البرايا
تحفظ بلدنا من شرور الحسودين
وتهزم شراذمهم سرايا سرايا
اهبوا هبيتم يا فلول الشياطين
يا أهل الفتن واهل البلا والرزايا
ما تستحون الله يهييلكم شين
في مهبط الاسلام منكم بلايا
روعتم الآمن وبكيتم العين
ويتمتم الاطفال وش هالسوايا
في كل يوم ترهبون الميادين
وبيدينكم سهم الغدر والمنايا
ازعجتم الامة وشوهتم الدين
وبالدين تمشون بخباث النوايا
يوم استحليتم دم البريين
وش ينتسمى فعلكم يالبغايا
الدين يبرا من فعول الخبيثين
اللى لهم بابليس درب وغوايا
يا رجال الامن الصايمين المصلين
الله ينصركم بكل النحايا
استشهدوا في خدمة الدار والدين
ولا تزعزعكم رغاة الرغايا
انتم هل النخوه وقفتم شجيعين
فضحتم اللي يزرعون الخفايا
دوسوا على روس الطغاة الحقيرين
وتتبعوهم في جميع الزوايا
الله ناصركم منول وهالحين
السم تبقونه بروس الحيايا
في ظل شيخ من شيوخ كريمين
غيث القلوب الباكيات الظمايا
نايف بفعله يرجحن الموازين
سلالة معزي عظيم المزايا
