ليت المرض شاور قبل لا يجي فيك
سالم يابو خالد ودامت لياليك
لا باس جعل الله يديمك ويبقيك
نهني انفسنا قبل لا نهنيك
فرحت قلوبٍ ما لها غير طاريك
مشاعر قلوبٍ تحبك وتغليك
شف في عيون الناس حبك ويكفيك
حاضرك يشهد لك ومعروف ماضيك
لك حكمةٍ يا قل منهو يجاريك
محنَّكٍ والله على الحق هاديك
عسى الكريم بعين عطفه يراعيك
ولو المرض شاور قبل لا يجي فيك
ونشيل يا سيد هل الجود ما جاك
الله يطول في حياتك ويرعاك
والحمد للي راف فينا وعافاك
طيّب وطبنا يوم شفنا محياك
مشاعرٍ ما هي غريبة وتزهاك
ملكتها من طيب راسك ومبداك
صدق الولا والحب ما هو بيخفاك
سلطان والتاريخ عطره سجاياك
الراي لا وصلك وقف ما تعداك
فن السياسة فيك تشهد لك عداك
ويديم عزك يا ذرانا ويحماك
نشيل يا سيد هل الجود ما جاك
