المرجله والطيب ماهي سواليف
الطيب ما يشرى ولا هو بضاعه
الحظ من الله ما تجيبه صواديف
ترى الحسد ما له عليه استطاعه
احفظ صلاتك لا يجي فيك تحريف
وصل القرايب فيه خيرٍ وطاعه
طيبك لجارك والكرم لا لفا الضيف
وحفظ الأمانة لو دعت لك وداعه
الرجل يعرف ظاهر بالمواقيف
والا الردي بالموج يغرق شراعه
يطيح مع صلف الهواء والعواصيف
وعند الحقيقة ينكشفلك قناعه
حسود نمامٍ وهرجه بتوليف
ويحاول التفريق بين الجماعه
ناسٍ مجالسها بغيبه وتوصيف
أهل الهروج مروجين الإشاعه
متسترين بحجة الدين تزييف
وبين القرايب مشيهم بالقطاعه
وطيب الريا مافيه عزٍ ولا كيف
فعل الرياء حبل سريع انقطاعه
الطيب ثابت معتلي بالمشاريف
والكنز راس المال هي القناعه
