(حادي.. بادي)! لو يهدّون المبادي
يا (كفاءة).. ساسها عندك متين!
كل رايٍ.. مايلٍ.. بالحيل غادي
والحقيقة ما يغطّيها؟.. تبين!
اعْجنوها.. واخْبزوها!.. بالعنادي
عوّدَتْ من غير ما تنضج (عجين)؟!
وش عليهم؟! رشَّحوهم في البرادي
وأشعلوا نار (الخطا)!! علم يقين!
صار ظلم أهل الريادة.. شي عادي!!
والسيادة! صوبوها عامدين!!
يوم قلنا.. حان وقتٍ.. للهدادي
طيرنا!.. تاه الهزيل مْن السمين؟
ويوم قلنا.. صار وقتٍ للحصادي
خاب ظن أهل العقول.. الطامحين!
ويوم قلنا (بلبل) الميدان شادي!
ما سمعنا.. غير.. لحن الناعقين
ومن يقول: إنه بها اللحظة.. حيادي!
خان ميدانه.. مع اللي خاينين!!!
(حادي بادي) من يبي يكسب ينادي
رافعٍ صوته على الصوت الرزين!!
لا تميِّز.. لا حماس.. ولا اجتهادي
حطّموها!! واجهضوا حلمٍ ثمين!!
"شواطئ"