الهموم إلها على الوجه ماريه
والشقا في وجه راعيه متماري
مثل فرق الشمس عن بارد الفيه
واضحه لو يخفي الشخص ويداري
مثلها شوقي ليا حل طاريه
لازم يبين الوله شي اجباري
واحد له داخل القلب دوسيه
حافظه حفظي لسر من اسراري
لاسمعت اسمه ينادي من شويه
قلت حي الاسم والصوت والطاري
وارتهج قلب العنا وابتدى غيه
ودار دولاب الهواجيس بافكاري
وقمت اصدد مثل من يونس الكيه
لا قدر يصبر ولا وده يجاري
ونة ما بين الاضلاع مكنيه
لاجيه تشرح تفاصيل مشواري
قصة احداثها جات عفويه
بس عفوا ما قدرت العب ادواري
قلت ابعرضها لمدارات شعبيه
دامها تقرأ ومفعولها ساري
"مدارات شعبية"