يا قلب لا تشره اذا الناس عافوك
لا تشتكي وتقول محدٍ بغاني
وش ترتجي منهم اذا هم تناسوك
وش ترتجي من كل قلب اناني
غروك بالطيبه وبالحب شدّوك
وتبدلت عندك جميع المعاني
تلبسوا زيف المشاعر وباعوك
للجرح والدنيا وقسوة زماني
اغتالوا آمالك وبالحيل ذلوك
تصرخ تبي مافات يرجع ثواني
تجمع بقايا حلم يا قلب خلوك
وتسمع صدى الآهات مثلك تعاني
توك صغير السن لاباس هزوك
قبلك خذوا مني ولا احدٍ عطاني
امس سلبوا روحي وذا اليوم مسوك
وتبعثرت عندي جميع المعاني
لا تشتكي يا قلب ارجوك ارجوك
ياما طواني الهم واسقط كياني
وهذا انا يا قلب تايه ومتروك
اسقوني الحرمان رضيوا لهواني
"مدارات شعبية"