سلام يا دار على العز محسود
لعل حساده تموت بكمدها
دار على التوحيد شيد ومشدود
ودستورها القرآن كل شهدها
خفاقة الراية وحنا لها جنود
بإذن الولي ما دام فيها فهدها
حب الوطن يا ناس ما فيه منقود
ما همنا من قال ومن هو نقدها
حنا لها لا ثار دخان بارود
قبايل ما هي بتحصى عددها
يشهد لها التاريخ والسيف مجرود
تارد حياض الموت لا طال أمدها
تنطح عدو الدين لا صار مقرود
وبعض الخلايق يوم ربي قردها
تقضي على المارد وتشفي به كبود
وتكحل عيون طال فيها رمدها
يخسى عدو الدين لو كان مطرود
بديرةٍ وكبيدته ما بردها
خبل ومنهو صدقه ما به الفود
حتيش لو قالوا فقيه جحدها
ما عنده إلا هاتوا وخذوا له ردود
طيش الكلام ونعمةً ما حمدها
يعد نفسه من سلايل هل الجود
مسكين غر نفيسته ثم جهدها
مصدقينه زمرة تصدق ما بهم زود
خانت ضمايرها وخانت بلدها
يا الله يا معبود يا خير معبود
تحمي وطنّا من عواقب نكدها
"مدارات شعبية"