الأمير الفذ مني له تحيه
صادره من قلب ولسانٍ نقايا
فيصل المحبوب شهم وبه مزيه
بالحقوق الناس عنده بالسوايا
والله أني ما قصدت أرجي هديه
مير حب ساكنٍ بين الحنايا
حبكم يا أمير مفروض عليه
من ولي العرش علام الخفايا
وارثين الود سلم العائليه
من أبوي ومن جدودي وقربايا
علمونا نفتخر باهل الحميه
للسعود جلال حبي وانتمايا
أنقذوها من حياة الجاهليه
وأصبحت حقٍ مصابيح الدجايا
من حكمها سيدها زبن الونيه
أبو تركي لاجلها خاض المنايا
لين وحدها على سنة نبيه
وانجلاء عصر الظلايم والعنايا
سادها بالسيف وارياه القويه
مع شجاعه جامعٍ حسن النوايا
ومن بعد عبدالعزيز الصيرميه
استلمها عزوة ما به حكايا
من سعود لفيصل لخالد نقيه
ثم فهد اللي حسم كل القضايا
باذلٍ جهده صباح وبالمسيه
للوطن والشعب جزلٍ بالعطايا
أشهد أنه حرٍ ما يرضى الرديه
هو سندنا عند يبسات الشفايا
وكلنا للرب نرجي بالسويه
خالق المخلوق غفار الخطايا
ونذكر اللي له مكان ومقدريه
حس صيته شايعٍ بين البرايا
ذاك عبدالله أبو كفٍ نديه
له مواقف سيدي عذب السجايا
ولا يفوتن ذكر من قاد السريه
أبو خالد عزنا حلو النبايا
ما غلا سلطان ياهل المعرفيه
راعي الطولات يا حسن المزايا
جعلهم يبقون ذخرٍ للرعيه
طلبتي وذي ترى غاية منايا
"مدارات شعبية"