يا قلبي اللي صفقتك المقادير
ما دام هذي حالتي مانت مرتاح
الهم يقبل لك صفوف وطوابير
هم يفوح بداخل الدم لا فاح
سود الليالي والدروب المعاسير
جارت عليك وحظك اسبابهن طاح
حسبي على اللي ما عمل نية الخير
جيته وفا واقفا وخلاني وراح
ادبر وانا من سبته ماني بخير
الجرح ينزف والجفا بارقه لاح
يا قلب انا بوصيك والصاير يصير
احذرك لا تودع السد ينباح
ليا سلمنا ما خسرنا مخاسير
ليت السلامة ما نبي غيرها ارباح
انا رضيت بما تجيب المقادير
ويا قلب خلك عن عنا النفس مرتاح
"مدارات شعبية"