الله يوفق كل تايب وندمان
ويرد من ضلّوا لدرب الصوابي
نشكر ولاة الأمر بيضان الايمان
اللي عفوا عن كل مخطي وتابي
يا خادم البيتين شكراً وعرفان
حنّا جنودك، للمعادي حرابي
من بعدها وجّهت قولي لعثمان
اللي لعفو الفهْدِ جا واستجابي
أحسنت في فعلك ومقدي وربحان
يومك لصوت العقل سقت الركابي
ريّحت أمك وابنك اليوم فرحان
اللهْ يجازي من عَفَا بالثوابي
ما هي غريبة توبة انسان غلطان
بس الغريب اللي على الشرّ صابي
اللي يعاند دايم يكون خسران
اللي عناده ضدّ نصَ الكتابي
نادى ولي الأمر كالوالد الحانّ
ونادى حماة الدين واهل الخطابي
نادى جميع الشعب واعلان اعلان
خافوا إله الكون يوم الحسابي
العفو مدّة شهر محسوب الازمان
من أعذر أنذر والخطا له عقابي
"مدارات شعبية"