تذكرين الزمان اللي مضا لي معاك
تذكرين الغرام وتذكرين الجروح
تذكرين المكان وصوت عاشق دعاك
تذكرين الأماني وتذكرين الصروح
تذكرين الوله والشوق ما له سواك
تذكرين الحنين وتذكرين الطموح
تذكرين اشياقي واندفاعي وراك
تذكرين القصايد عن غرامي تبوح
تذكرين الليالي والبدر في سماك
تذكرين الدموع وروح تشقى بروح
تذكرين الوعود اللي تبين غلاك
تذكرين الصراحة بالغلا والوضوح
تذكرين السهر والليل يتتبع رضاك
تذكرين المتاعب في زمانٍ شحوح
تذكرين المشاعر حالمة في هواك
تذكرين العيون اللي في بعدك تنوح
تذكرين اللقاء واجمل لقا في لقاك
تذكرين الكلام بجد جد ومزوح
تذكرينه.. نسيتُه حتى قلبي نساك
عن وطن ذكرياتك حان وقت النزوح
انتهى الحلم.. مات الحب.. واقبل جفاك
وانهدم ما بنيته والنهاية تلوح
ذكريات قديمة ما بقى من عناك
صورة اطلال حبك عن خيالي تروح
كل حلمٍ حلمته راح يتبع خطاك
والزمان وغرامك صار ذكرى جروح
"مدارات شعبية"