صديت عن دربي وانا اقولك لو
تمحي بقايا ذكرياتك يديني
اشقيتني يا فرحة العمر من تو
ما فيه داعي تستبيح الكنيني
هذي مكاتيبك على الود تحلو
وهذي بقايا رحلتك في سنيني
يا شمعة ايامي ويا غيمة النو
لك في خفايا الروح حبٍ دفيني
اشعلت ضوي منك يا مشعل الضو
لين احترق في نار حبك جبيني
رميت حبي في هوى صافي الجو
وحفظت حبك بين جفني وعيني
خلاص ابا انسى كل ما صار يا هو
وانسى مراسيلي وبصمة يميني
الله يجنب خطوتك مصرع السو
والله يثبتني على حدود ديني
"مدارات شعبية"