الحب الأول باقي في مكانه
وانا حسب أني طول الأيام ناسيه
من شفتها قلبي تلخبط كيانه
عوّد على الماضي يدور خوافيه
وبانت على نظرة حبيبي حزانه
يمي تمد الشوف ونوب توطيه
قلبه على ما هو يفيض بحنانه
لاشك بين بالدموع المشاربه
وقام ايتشره وزرق الدمع خانه
وزود البكاء والدمع عي يخليه
قلت العذول اللي يدس الخيانه
سبت فراق يتعب القلب طاريه
قالت ترى الماضي بدينا انسيانه
قلت ابشري واليوم انا مثل ناسيه
قالت وعد قلت الوعد والظمانه
قلب يحب ومن غلاكم سكنتيه
وقام يتبسم قلت يا عظم شانه
وسبحان رب في جماله مسويه
قالت نعم قلت اعذري بسهيانه
قالت حبيبي قلت انا الفين لبيه
قالت حبيبي قلت انا أمر وميانه
قالت علامك قلت يا هيه ياهيه
هذا الجنون اللي يعنتر زمانه
بانت على عقلي وجسمي مواريه
"مدارات شعبية"