يا قدر تفراق باحداثه طرق
باب اقفلته على ود الحبيب
ماضي بابعاد خل ما شفق
من بنار الشوق يصلاه اللهيب
مولعنا في شوق من شوقه حرق
قلبي المجروح بالجرح العطيب
تنتظر رجواي صبح ما شرق
من سكون الليل وعناد الصحيب
ما نظر باحوال من حاله رهف
لو رما الاسباب حظه ما يصيب
واسألك من بأمر مقضيه فوق
راحل معدوم شوفه والنديب
وين شوفك راح ما شفته رفق
وحده المجروح لاحزانه غليب
ولو لجرح الشوق في قلبك خفق
للموده جيت لايامه طليب
ومن شكا تفراق خلانه غرق
ما تصيب جروح مجروح النصيب
وللهوى والليل من صبر وزهق
يشتكي للقاف دمعي والنحيب
"مدارات شعبية"