هذي مواثيقي على بيض الأوراق
يومك نسيت مع الليالي عهودك
كتبتها ملهوف يوم أنت مشتاق
واحفظ جوابك قبل تلغي ردودك
وهذي دموع العين ما بين الاحداق
من يوم ما اخلق لك غرورك وعودك
وهذي ليالينا على الذكر تنساق
وعسى ليال الشوق صوبي تقودك
ما صدقت أيامنا حب وفراق
ولا صدقت سود الليالي جحودك
شفها تذكرنا بساعات الاشقاق
ساعات كنا حاضرين بوجودك
ينخاك حبي لك وتنخاك الأشواق
وينخاك ليل ما تعوّد برودك
كان السفر فيكم على كل الآفاق
لكنّ ما مرّه تعدى حدودك
ومهما يطول الليل في حضن الاشراق
ومرساك شوفه لو يطول صدودك
يشهد على ما أقول شعري والأوراق
واظن قلبك واحد من شهودك
"مدارات شعبية"