لا تشتكي لي من عنا غبر الأيام
يكفيني اللي في يا روح روحي
إن كان جرحك مبطي بك من العام
أنا ثمان سنين تنزف جروحي
سبتك ياللي عني ابعد من الشام
وانته قريب ولا تطولك شبوحي
لو شفت حالي غادي جلد وعظام
ولا أحد بداري وش بلايه ونوحي
لي قصةٍ تشبه حكايات الأفلام
يشفق على حالي صغيرٍ ينوحي
ليت الحقيقة تمسي وتصبح أوهام
لعل بالأوهام احقق طموحي
واحقق اللي ما قدرته من أحلام
وأقول للعذال ما اسمع ولا اوحي
"مدارات شعبية"