هلا باللي سرق نومي من أحلامي يصحيني
هلا بك يا بعد روحي سكنت القلب فأعماقه
حياتي كلها ملكك وبعدك حيل يشقيني
ولكن ما بيدي حلٍ لحكم الوقت وفراقه
هلا بك يا نظر عيني كلامك بحدّ يجيني
وصوتك اسعد مشتاقٍ يخفف لوعه أشواقه
تراك بفكري مشغلني وطيفك لي يباريني
ويشهد لي على قولي دموعٍ جدّ حراقه
تراك مزوني ورعدي وبسماتك تهنيني
معاك الوقت يسرقني ونفسي ليك تواقه
عزيزي لا تجاهلني ترى فعلك يعنيني
وأنت تعترف إنك تعب قلبي وارهاقه
أبي زولك يلازمني أبي صوتك يسليني
أبي أغمض واحطك في رموش العين وأحداقه
"مدارات شعبية"