ياهل القناة اللي بلندن تنادون
بالكذب والتزوير في دعوى الاصلاح
وشلون للاصلاح والخير تدعون
وانتم لكم بالغرب مقيال ومراح
بحضانة اللي ضد الاسلام يسعون
مسكين من منكم يبا عز وانصاح
فقيهكم ضايع معه لا تضيعون
ما كنّه الا اللي ورى النزل نبّاح
ينبح بلا تأثير وانتم تشوفون
من راس ماله ضاع ما هو والارباح
اللي يبا التفريق بالصف ملعون
بنحره كيده لو بغا ينتهض طاح
من شذ يبغا الناس مثله يشذون
مثبور وجرحه ما يداويه جراح
حنا سعوديين مهما تقولون
بأمن وأمان نعيش والكل مرتاح
في نعمةٍ نرجي عسى خالق الكون
يديمها ويديم بالدار الافراح
في ظل حكم الشرع والسيف مسنون
لمجنبين الحق والحق نطاح
دستوره القرآن ما هوب قانون
تنزيل من يعلم تصاريف الأرياح
وحكامنا لهم الولا دوم مقرون
بالصدق والاخلاص في كل ملواح
وصلاة ربي عد ناس يصلّون
على النبي واعداد ما بارقٍ لاح
"مدارات شعبية"