يا الله يا المعبود رب العالمين
يا عالمٍ بالبيّنه والخافيه
تشفي عزيز النفس والدرع المتين
وتلبسه يا رب ثوب العافيه
سعود زبن الملتجي طلق اليمين
ريف الضعيف اللي رجوله حافيه
شبّاب نار المرجله طول السنين
يومٍ إن ولد اللاش ناره طافيه
تجود من جوده كفوف الغانمين
واليا عطا مدة يمينه وافيه
ووقفات أبو خالد تسر الناظرين
وتبصر بفزعاته عيونٍ غافيه
يقري ضيوفٍ تدهله سمن وسمين
ومعها هروجٍ للطراقي شافيه
لو المرض ينقل كذا بين الثنين
تنقل مرض راع النوايا الصافيه
الله يسلّم سيدي من كل شين
ويلبّسه مولاه ثوب العافيه
"مدارات شعبية"