وتونا ما اروعك والليل بأول شبابه
يوم طاب السهر وش عجلك بالرحيل
جيت كلك شموخ وكبرياء ومهابه
جيت شوق ومشاعر في زمان بخيل
جيت في موق عيني دمعتين وسحابه
شف عروق المحبه ظاميه لو تسيل
يا هلا فيك حتى جرح رمشك هلا به
طوّل البعد حتى صار قلبي عليل
جيت حالي حزين بين هم وكآبه
بالمحاني جروح من زمان طويل
جيت يا حلم عمري شوق والليل جابه
واشرقت في ظلام الياس شمس الاصيل
كل ليله تجيني جيتك لي تشابه
وفي عيوني خيالك مر ما له مثيل
بس ها الليله اللي فيها سر وغرابه
رحت من قبل اضمك مسرعك بالرحيل
"فـن"