أفخر ويفخر كل واحد سعودي
بفوز العميد اللي رفع هامة الراس
الفوز هو عاداتنا من الجدودي
وعاداتنا بالربح ما هو بالإفلاس
واليوم شفنا العلم علمن وكودي
بفوز العميد اللي لنا كل نوماس
سفيرنا برا الوطن والحدودي
عميد بالميدان والخصم محتاس
الكل له بالفعل والله شهودي
والمدح به ترديد من غير مقياس
من قادهم للفوز جعله يسودي
منصور فخر الدار والجار لا باس
منصور لا واعد وفاها الوعودي
لا قال ما يرجع عن القول يا ناس
كريم والله من عطاياه جودي
ثوب الكرم ثوبه وهو دوم لباس
ميتين ألف ولو عطاهم وزودي
ما هي خسارة لو ملاهم بالأكياس
رجال تستاهل عطاء كل نودي
يستاهلون من العطاء كل نوماس
تفرش لهم بالدرب حلو الورودي
يستاهلون من الذهب غالي الماس
من نور لحمزه وكل الوجودي
التكر وابن شقير والكل عراس
كل العرب تفخر بفعل الأسودي
ويوم ارفعوا راس العرب جابوا الكاس
عميد العرب صارت فعوله تزودي
وزودن على هذا فعوله بسنهاس
خمسة أهداف وفي عيون الحسودي
في عيونه الحاسد كما صلو محماس
ودي أهني كل واحد سعودي
وأهني اللي بالوطن يرفع الراس
"الريـاضيـة"