هبت هبوب بريحه المسك والعود
وريح الخزامى مشتبك مع نفلها
وتلاطمت لأمواج وتحطم اليود
وصار البحر عذبا وقام ونقلها
يم الامير الي تغذى على الجود
وكل المزايا الطيبه قد حملها
ابن الفهد حلال ما كان معقود
صعب الامور يحلها ويعد لها
عبدالعزيز اللي له العلم مردود
نفسه على درب المعالي صقلها
توه شباب وماخذٍ ميزة العود
عاقل ونفسه ما يطاوع جهلها
في ساحه الميدان لافعاله شهود
نوخ ركابه للوفا ثم عقلها
يحلا له الكايد ويصبر على الكود
ويرقى على العليا ويرفض بدلها
فعله مع اهل الخير بين ومحمود
وشرع النفوس الطيبه ذا عملها
فعلٍ عليه معرِّب الجد محسود
فرح لارامل واليتامى كفلها
مشكور يا اللي مالقتا حدود
فرجت كربة مسلم ماحتملها
لك وفقةٍ يفرح لها كل مضهود
مثل المطر لاعم الارض وشملها
"مدارات شعبية"