يا موطني مجدك على العز عالي
يحكي به التاريخ عاماً وراء عام
يا موطني وأنت الحجا والظلالي
وملاذ من هو من عنا الوقت منضام
وأمنك عهد برقابنا أول وتالي
عهدٍ وفا به يا وطن كل مقدام
على ثرى أرضك ياقفون الرجالي
جنودك رجال الصعايب والإقدام
غربك وشرقك والجنوب وشمالي
وفي كل شبرٍ منك لأحماك خدام
دونك رجال بالعمر ما تبالي
بوجيه من هم لك عدوين وخصام
بقيادة النادر سليل المعالي
نايف ومجده فاق تعبير الأقلام
رجل المهمات الصعاب الثقالي
فعله وفعل رجاله لداره وسام
شيخ فعوله طول عمره جزالي
عساه سالم سيدي طول الأيام
ولأغلى وطن يرخص ثمن كل غالي
بلادي بلاد المحبة والإكرام
عساه يحفظها عزيز الجلالي
من كل شر وكل حاسد وظلاَّم
موطن وفا طول الدهر والليالي
وللمسلمين وشعبه أفضاله عظام
عدلٍ وأمان وخير في كل حالي
وحكمٍ على شرع الله المطلع قام
من عهد أبو تركي بعيد المدالي
حتى عهد فهد الجزيرة والإسلام
عساك يا موطن هل المجد عالي
برجالك اللي لك جنودٍ وحكَّام
"مدارات شعبية"